സമാന്തരം

സമാന്തരം

ഒരിക്കൽ അവനും അവളും ഒരുമിച്ച് ഒന്നും മിണ്ടാതെ ദൂരത്തേക്ക് നോക്കിയിരിക്കുകയായിരുന്നു. 

ദൂരെ രണ്ട പൊട്ടുകൾ അവർ കാണാൻ തുടങ്ങി.

അവർ മാത്രമേ അത് കണ്ടുള്ള,

അവ ഒരുമിച്ച് നീങ്ങാൻ തുടങ്ങി.

അവൾ- 'ഡാ'

അവൻ- 'ഉം'?

'അത് നീ കാണുന്നുണ്ടോ?'

'ഉണ്ട്'.

'എന്താണത്?'

'നമ്മളാണോ?'

'അല്ല, നമ്മളായിരുന്നെങ്കിൽ ഒരുമിച്ച് ഒരേ ദിശയിൽ സഞ്ചരിക്കില്ലായിരുന്നു.'

'ഒരേ ദിശയിലാണെങ്കിലും ഇത് സമാന്തരമല്ലേ?'

അവളവനെ നോക്കി.

ജോലി കഴിഞ്ഞ വരുന്ന ഭർത്താവിനെ അവളും, വീട്ടിൽ കാത്തിരിക്കുന്ന ഭാര്യയെ അവനും ഓർത്തു.

പിന്നെ, രണ്ടാളും എഴുന്നേറ്റ്

ഒന്നും മിണ്ടാതെ 

സമാന്തരമായി നടക്കാൻ തുടങ്ങി.