മീര
മീരയുടെ നിമ്നോന്നതിയിലുള്ള ശ്വാസം അടുത്ത കട്ടിലിൽ നിന്ന് ഉയർന്നു കേൾക്കാം.
എനിക്ക് ഉറക്കം വരുന്നില്ല.
അമ്പലത്തിൽ പോകാറില്ലെങ്കിലും ഇന്ന് വെറുതെ മനസ്സിന്റെ ഭാരമിറക്കാൻ പോയതാണ്.
വിളക്കുകൾക്ക് നടുവിൽ പുഞ്ചിരിച്ചു നിൽക്കുന്ന നിന്റെ മുഖം ആദ്യമായി കാണുന്നത് പോലെ തോന്നി.
പ്രണയമാണ്, ആരാധനയാണ് നിന്നോട് കണ്ണാ.
'കൃഷ്ണാ...', ദീര്ഘമായൊരു നിശ്വാസമാണ്, നിലവിളിയാണ്.
എന്റെ അടുത്തുള്ള കട്ടിലിൽ മീരയാണ്.
പക്ഷെ, അവൾ നിന്റെ മീരയാണോ കണ്ണാ..?
അവളെന്റെ കണ്ണനെ എന്നിൽ നിന്നകറ്റുമോ?
ആറുമായിക്കൊള്ളട്ടെ,
എന്റെ മനസ് പറയുന്നു, ഞാൻ നിന്നിൽ അലിഞ്ഞിട്ടില്ല.
"ഞാൻ മീരയല്ല, പക്ഷെ എനിക്കുള്ളിലും ഒരു മീരയുണ്ട്.
ഉരുകാനും പ്രണയിക്കാനും പ്രാർത്ഥിക്കാനും പിരിയാനുമൊരു മനസ്സുണ്ട്
കൃഷ്ണാ നീയെന്നെ അറിഞ്ഞെങ്കിൽ.. എന്റെ വിളി നീ കേട്ടെങ്കിൽ..."
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ